जिला बांदा, ब्लाक बड़ोखरखुर्द, गांव लामा हेंया के दस किलोमीटर सड़क पन्द्रह साल से बहुतै ज्यादा ख़राब है। सड़क मा जघा-जघा बड़े-बड़े गड्डा बने है जेहिमा पानी भर जायें तौ लागत है तालाब आय। यहै कारन हेंया आये दिना एक्सीडेंट होत रहत है अउर आवे जाये वाले मड़इन का निकले मा बहुतै समय लागत है। पै विभाग वाले ध्यान नहीं देत आहीं।
चुनकई विश्वकर्मा का कहब है कि बरसात मा हमें सबसे ज्यादा निकले मा परेशानी होत है दुइ साल पहिले बस पलट गे रहै जेहिमा एक आदमी के जान चली गें रहै। लामा से पचनेही चार किलोमीटर सड़क बिल्कुल जर्जर हालत मा हैं किसानन का बरसात मा बहुतै परेशानी होत हैं हेंया से बहुतै साधन निकलत है।
राज प्रसाद विश्वकर्मा बताइस कि हमें गांव जायें मा 15 मिनट के जघा ढेड़ घंटा लागत हैं रास्ता येत्ता ज्यादा ख़राब है कि लढ़ी पलट जात है टैम्पो अउर साइकिल के तौ पहिया ख़राब होइ जात है।
सीता बताइस कि सड़क ख़राब होय से हमार जेठ का एक्सीडेंट होइ गा रहै जेहिसे उनके हाथ गोड़ टूट गें हैं।
पी.डब्ल्यू डी.विभाग खण्ड-2 के सहायक अभियंता आर.के,वर्मा का कहब है कि 7 किलोमीटर सड़क बने का प्रस्ताव आवा है। सड़क 15 जून तक बन जई।
रिपोर्टर- शिव देवी
04/05/2017 को प्रकाशित
