जिला ललितपुर, गांव बम्हौरी बरसात आत ही पानी बरस बो शुरू हो जात हर तरफ पानी ही पानी। जा बरसात के मौसम में बम्हौरी गांव के आदमी पीबे के पानी के लाने तरस रए। बारह सौ की अवादी में जा गांव में दो नल हे जई से पानी के लाने सुबेरे चार बजे लाइन लगाने परत।जिला ललितपुर, गांव बम्हौरी बरसात आत ही पानी बरस बो शुरू हो जात हर तरफ पानी ही पानी। जा बरसात के मौसम में बम्हौरी गांव के आदमी पीबे के पानी के लाने तरस रए। बारह सौ की अवादी में जा गांव में दो नल हे जई से पानी के लाने सुबेरे चार बजे लाइन लगाने परत। रानी बहू ने बताई के पानी की तो बोहतई परेशानी हे रात के बारह बजे तक पानी भरत और फिर सबेरे चार बजे से फिर नंबर लगन लगत। गर्मियन में तो और ज्यादा परेशानी बढ़ जात। प्रधान से कओ सो बे नइ सुनत न अधिकारी सुनत। सुमित्रा और शांति ने बताई के दूर से तो पानी भरबे आने परत और एक दो घंटा नंबर के लाने ठाडे रत फिर चाह घरे मोड़ी मोड़ा रोत रेबे। और गंदे पानी में पूरो नल डूबो रत पानी निकरबे जगह ही नइया लेकिन बोई पी रए सब जने का करे। मोहन लाल ने बताई के कोऊ नइ सुनत प्रधान से कओ सो कत के कुन तुमने हमे जिताओ हे हमे जीने जिताओ हम तो उतई करे सुविधा। जब हमाई रिपोर्टर प्रधान से जानकारी करबे गयी तो प्रधान ने कछू भी बता बे से मना कर दई।
रिपोर्टर- राजकुमारी
Published on Aug 3, 2017
