खबर लहरिया सीतामढ़ी बढ़ल हई किसान के परेशानी

बढ़ल हई किसान के परेशानी

Picture 2787
जिला सीतामढ़ी, प्रखण्ड, पंचायत बथनाहा पश्चिम, गांव बथनाहा। इहां लगभग पन्द्रह साल से स्टेट बोडिंग के मोटर अउर ट्रास्फर्मर चोरी भेगेल हई। जेई कारण उ बोडिंग बन्द भेगेल हई लेकिन अभी तक कोनो अधिकारी के ध्यान न हई।
गांव के किसान लोग रामनाथन महतो, सवित्री देवी, बेचु राय सब कहलथिन कि इहां के स्टेट बोडिंग बहुत दिन से खराब हई। जेई कारण हमरा सब के खेती पटवन में बहुत दिक्कत हो रहल हई। एई मंहगाई में बोडिंग से पटवन में बहुत रूपईया लगई छई। स्टेट बोडिग से खेत पटइत रहलकह त उतना रूपईया न लगइत रहलह। अब त डेढ़ सौ रूपईया के घंटा खेत से पटवइ छी।
मुखिया शंति देवी के घर वाला पंकज कुमार सिंह कहलथिन कि हम सरकारी विभाग के कर्मचारी के आवेदन न देले छी। एकचड़ा गु्रप के ठिकेदार के आवेदन देली अउर जिला के नल कुप विभाग में फोन कयली। नल कुप विभाग के जेई सत्यनरायण कुमार कहलथिन कि उहां से कोई आवेदन न आयल हई, लेकिन फोन आयल होतई हमरा न मालुम हय। हम देखई छी कही केाई आवेदन आयल होतई त ओई जगह के जांच कयल जतई।