खबर लहरिया औरतें काम पर बंध्याकरण में महिला के मौत

बंध्याकरण में महिला के मौत

mahilamuda

बांध्याकरण करवईत महिला

जिला सीतामढ़ी, प्रखण्ड रीगा,
गांव अन्हारी। उहां माध्यविधालय
में विषेष पखवारा लागल रहई।
जेइमें फुलो खाुतन 24 जुलाई
2013 के बांध्याकरण करवलथिन
अउर उनकर मौत हो गेलई।
उनकर उम्र अटठाईस साल
रहलईं ।
उनकर ससुर हुसेनी मीया
सास जमीला खातुन कहलथिन
कि हमर पूतोह के आॅपरेषन
बारह बजे दिन में भेल। ओकरा
बाद स्वास्थय कर्मी सब अपना अपना घरे चल गेल रहई। कोई देखे वाला
भी न रहई। ओही समय हमर पुतोह के मौत हो गेल। उनका तीन गो बच्चा
हई जेकर अब अभागे हो गेलेई।गोद में के नौ महिना के बच्चा के कोन
देखतई। हमर बेटा हुसेन बाहर कमाय गेल हई।
मुखिया नूर जहां के पति नन्हे अन्सारी कहलथिन कि भोरहा चैक के
एन एच सतहतर पर गांव के लोग के साथ जाम कइली। बी. डी. ओ. प्रभात
कुमार बरूआ आयल रहथिन। उ कहलथिन कि कवि अन्तोष्ति योजना
एंव समाजिक सुरक्षा योजना के तहत बीस हजार रूपईया भी देल जतई।
लेकिन अभी तक न मिल रहल हई।
थाना अध्यक्ष राजेष कुमार कहलथिन कि डाॅक्टर, हेल्थ मैनेजर, अउर आषा के पति पर एफ आई आर दर्ज हई। जेकर कांड संख्या
138- 13 अउर उमर कैद के धारा 304 लागू भेल हई।