फोन पै धमकी, भेजिस जेल

जिला फैजाबाद। हिंआ रूक्मिणी नाम के मेहरारू का प्रदीप शर्मा नाम कै मायके के मुहल्ले कै लड़का छः साल से ब्लैक मेल कइके पैसा कै मंाग करत रहा। मीडिया अउर मेहरारू के हित में काम करै वाली संस्था कै सहारा लइके भेजिन जेल।
रूक्मिणी बताइन कि मायके के मुहल्ले कै एक लड़का प्रदीप शर्मा हमदर्दी जताइस अउर हमार पति बीमार रहे तव कहिन कि हम दवा कराउब। फिर चलत-चलत कुछ दिन बाद फोन पै धमकी दियै लागिन। यहि समय आगरा मा रहा थे। शारीरिक, आर्थिक, मानसिक रूप से प्रताडि़त करा थे। होली के पहिले दस लाख रुपया मांगत रहे तौ हरी दुनिया नामक सस्ंथा के पास गयेन। तौ वै हमार साथ दिहिन।
28 मार्च 2013 का महिला थाना फैजाबाद गयेन तौ कुछ सुनवाई नाय भै। हुआं कै पी.एम.टी. नम्बर मिला। कहिन कि जब अइहै तौ फोन करिउ। जब ऊ 29 मार्च 2013 का आकाश होटल फैजाबाद एक मेहरारु के साथ आय जेकै नाम पुष्पा रहा। हम ढ़ाई लाख रुपया दै चुकी हयी। जब 29 मार्च 2013 का आकाश होटल मा आये तौ रात आठ बजे बुलाइन। तब हम मीडिया वालेन कै सहारा लिहेन। मीडिया वाले पुलिस का सूचना दिहिन। पुलिस छापा मार के पकड़ के लै गइन जवन यहि समय फैजाबाद कैंट थाना मा बंद अहै। रूक्मिणी कै मांग बाय कि इनका कड़ी से कड़ी सजा हुवै अउर हमरे धन का वापस करं।