फैक्ट्री के करत मांग
जिला चित्रकूट, ब्लाक मानिकपुर, गांव चूल्ही अउर बारामाफी। हिंया के मड़ई कहिन कि बारामाफी से इंटवा डुड़ैला तक चालिस किलो मीटर तक दुइ बरस पहिले फैक्ट्री बनै का पास भे रहै। अबै तक नहीं बनी हवै। या कारन लगभग दस हजार मड़ई परदेश कमाये खातिर जाये का मजबूर हवंै। यहै से तहसील दिवस मा 8 जनवरी 2014 का एस.डी.एम संजीव सिंह का लिखित दरखास दिहिन।
या समस्या का लइके एस.डी.एम संजीव सिंह से बात कीन गे उनकर कहब हवै कि लिखित लइ लीन गे हवै। सरकार के लगे लिखित पहुंचा दीन जई। या मामला के बारे मा शासन कुछ कई सकत हवै।
चूल्ही गांव के गुजारी लाल अउर कांग्रेस पार्टी के जिला अध्यक्ष नत्थू कोल का कहब हवै कि अगर फैक्ट्री बन जाये तौ मड़इन का रोजगार मिल जई। मड़ई आपन परिवार वालेन का छोड़ के परदेश कमाये जात हवै। दुइ बरस पहिले फैक्ट्री बनै खातिर जमीन के नाप भे रहै, पै अबै तक फैक्ट्री नहीं बनत आय।
बारामाफी गांव के शारदा प्रसाद अउर मुन्ना का कहब हवै कि फैक्ट्री बन जाये तौ बेरोजगार मड़इन का काम मिल सकत हवै। काम के खोज मा परेशान रहित हन।