रानी
जिला चित्रकूट, ब्लाक रामनगर, कस्बा राजापुर वार्ड नम्बर आठ। हिंया के रहैं वाली रानी का लगभग दस बरस से रानी लक्ष्मीबाई योजना का लाभ नहीं मिलत हवै। या कारन वा यहिके खातिर कइयौ दरकी राजापुर टाउन एरिया मा कइयौ दरकी कहिस, पै सुनवाई के नाम मा कुछौ नहीं भा।
या समस्या का लइके राजापुर टाउन एरिया के अधिशाषी अधिकारी हासिम अली का कहब हवै कि रानी का रानी लक्ष्मीबाई योजना का लाभ लें खातिर फार्म भरैं के जरूरत हवै। तबहिने लाभ मिली।
वार्ड नम्बर आठ के रानी का कहब हवै कि मोर न तौ गरीबी रेखा का राशन कार्ड बना हवै अउर न तौ रानी लक्ष्मीबाई योजना का लाभ मिलत हवै। मनसवा बच्चा मजूरी करत हवैं। मजूरी भी रोजै नहीं लागत हवै। यहै से सोंचत हौं कि अगर रानी लक्ष्मीबाई योजना के तहत चार सौ रूपिया मिलै लागी तौ थोइ सहारा होइ जई। दुइ जून कम से कम नून रोटी खा सकत हौं। सरकार योजना तौ खूबै बनावत हवै, पै लाभ नहीं मिलै।