बिना फाटक के रेलवे गुमती
जिला सीतामढ़ी, प्रखण्ड रीगा, पंचायत रीगा द्वितिय, गांव शिवनगर। उहां बासठ डी. ग्रुप गुमती पर गेट मैन अउर फाटक न हई। जेई कारण साल में लगभग दस लोग अउर जानवर के त कोई गिनती न हई कि केतना घटना होई छई।
उहां के नंदकिशोर साह, दिनेश कुमार लगभग पंद्रहो लोग कहलथिन कि छोटी लाईन के समय ऐतना घटना न होईक। जहिया से बड़ी लाईन बनलई तहिया से घटना होईते रहई छई। कारण कि छोटी लाईन के आवाज ज्यादा रहलई लेकिन बड़ी लाई के ट्रेन में आवज कम रहे के कारण लोग सुन न पवई छथिन। विनोद सिंह कहलथिन कि एक महिना पहिले गिट्टी से लादल ट्रैक्टर ट्रेन के चपेट में आ गेलई। आदमी त बच गेलई लेकिन ट्रैक्टर के ढ़ाला सौ मीटर तक घसीटाईत चल गेलई। हम सब रेल एक घण्टा रोक के रखली। जेईमें रेल विभाग के अधिकारी आयल रहथिन। उ जक्शन देख के गेलथिन लेकिन आई ले कोई सुनवाई न हई।
गुमती बासठ सी के गेट मैन जगरनाथ साह कहलथिन कि इहां 5472 से ज्यादा गुमती हई। उहां पर आवा-गमन कम लोग के हई। जेई कारण गेट मैन न हई।
सीतामढ़ी स्टेशन ट्रैफिक पदाधिकारी कहलथिन कि ऐई माह में महा रेल प्रबंधक हाजीपुर से अउर अनुमंडल रेल प्रबंधक समस्तीपुर से अईथिनअउर रीगा स्टेशन तक ट्रेन से जईथिन। उहां के लोग आवेदन लिख के उनका पास जमा करथिन तब उहां सुधार कयल जतई।