खबर लहरिया ताजा खबरें बदमाश घर मा घुस के लूट लइगें बन्दूक

बदमाश घर मा घुस के लूट लइगें बन्दूक

IMG2937Aजिला बांदा, ब्लाक नरैनी, गांव पड़मई। 31 अक्टूबर का संग्राम सिंह तीन बजे दिन दहाड़े घर मा घुस के बन्दूक लूट लइगा। या घटना के रपट समस्या का सामना करैं वाले मड़ई नरैनी कोतवाली मा दरखास दिहिन हैं।
ब्लाक नरैनी, गांव मोतियारी, मजरा राजापुर। हेंया के राजकुमार के औरत बताइस-“31 अक्टूबर का दिन के 3 बजे दुई मनसवा सउदा लें के बहाने से घर के भीतर घुस आयें। मोहिका मारिन अउर तमंचा गले मा अड़ा दिहिन। घर मा धरी दुई नाली बन्दूक अउर पन्द्रह कारतूस लूट लइगें। गाली गलौज करत कहिन कि उंई संग्राम सिंह अउर राजाबाबू आहीं।”
गांव के कुछ मड़ई कहिन कि संग्राम सिंह के साथै लगभग एक दर्जन मड़ई हैं। उंई अतरे दिन धावा बोलत रहत हैं। हमार गांव जंगल के बीच है। नरैनी कोतवाली का एस.ओ. राजीव यादव कहत है कि संग्राम सिंह अउर राजाबाबू के ऊपर धारा 392 (बन्दूक लूटैं) 452 (घर मा घुसब) आई.पी.सी. लाग है। वइसे भी सग्राम सिंह के खिलाफ धारा 82 (कुर्की होब) सी.आर.पी.सी. के नोटिस अदालत से जारी कीन गे है।
एस. पी. पीयूष श्रीवास्तव का कहब है कि संग्राम सिंह का पकड़ै खातिर जिला भर का पुलिस बल लगावा गा है। पी.ए.सी. भी लाग है। जंगल का घेर लीन गा है। पूरी कोशिश है कि वा जल्दी से जल्दी पकड़ जाय।