फर्जी आउत पानी के बिल

जिला महोबा, ब्लाक जैतपुर, कस्बा कुलपहाड़। ई कस्बा में पानी की पाइप लाइन खा बिछे बीसन साल हो गये हें। पानी के लाने जोन आदमियन के कनेक्सन हें ऊखें तो बिल आउतई हे, पे जोन आदमियन के कनेक्सन नइयां, ऊखें भी तीन साल से बराबर बिल आउत हे।
मातादीन, मुन्नीलाल, ओर कालीचरन ने बताओ कि हम लोगन ने पानी को कनेक्सन नई कराओ हे, फिर भी जल निगम वाले हमाये एते बिल भेजत हें । मुन्ना बताउत हे कि हम गरीब आदमी बिल लागे के दुखन सैकड़न मीटर दूर लगे हैण्पम्प से पानी भर के लाउत हंे। ऊ बताउत हे कि हमाये द्वारे में पानी सप्लाई की पाइप लाइन बिछी हे। अकेले पाइप लाइन बिछी होय के कारन हमाये एते तीन साल से पानी को बिल भेजो जात हे। अगर हम जल निगम वालेन से कहत हें, तो ऊ कहत हें कि जीखे द्वारे से पाइप लाइन निकरी हे। ऊखें पानी को बिल भरने परहे।
जल निगम के सहायक अभियन्ता एस.के. चैहान बताउत हें कि अगर ऊखे द्वारे के सौ मीटर की दूरी से पानी की पाइप लाइन बिछी होहे तो आदमी खा बारह प्रतिशत पानी को बिल भरने परहे। चाहे ऊ आदमियन के एते कनेक्सन होय चाहे न होय।