जिला अम्बेडकर नगर, ब्लाक भीटी, कस्बा भीटी। 30 अपै्रल का सामुदायिक स्वास्थ्य केन्द्र मा एक मेहरारू कै प्रसव के समय मउत होइगै। परिवार वाले कै आरोप बाय कि डाक्टर के लापरवाही से मउत भै।
परिवार वाले कै कहब बाय कि विजय गुप्ता कै मेहरारू मैत्री गुप्ता कै 30 अपै्रल का षाम के प्रसव पीड़ा हुवय लाग तौ भीटी सामुदायिक स्वास्थ्य केन्द्र मा लै गइन। रात भर इलाज के बाद सुबह चार बजे लड़की भै। थोरिक देर के बाद लड़की कै मउत होइगै। कुछ देर बाद प्रसूता कै तबीयत खराब हुवय लाग। तबीयत ज्यादा खराब देख एमरजन्सी मा तैनात डाक्टर अमरनाथ आइन। इन्जेक्षन ग्लूकोज अउर दवाई दिहिन। सुधार न हुवय से जिला अस्पताल रिफर कै दिहिन। रास्ता मा ही उनकै मउत होइगै।
मैत्री गुप्ता कै रिस्तेदार प्रदीप गुप्ता बताइन कि सी.एच.सी. के डाक्टर के गल्ती से भै बाय। जब इनके बस कै नाय रहा तौ पहिले रिफर कै दिहे होते। मैत्री के दुई छोट-छोट बेटवा रहिन उनहूं कै साया छिनगै। लकिन विधी कै लिखा कहिके कउनौ रिपोर्ट नाय दर्ज कराइन।
सी.एच.सी. कै प्रभारी चिकित्साधिकारी डाक्टर अजय गुप्ता बताइन कि प्रसव पीडि़ता के पेट मा बच्चा चिपक जाए से प्रसव के पहिले अउर बाद मा भी खून ज्यादा वहि जाए से मउत भै बाय। पूरा मामला कै जानकारी कराय के सच्चाई सामने लाय जाये।