प्रमाण पत्र खातिर लगावत चक्कर

जिला चित्रकूट, ब्लाक कर्वी, गांव लोढ़वारा हिंया का कामता प्रसाद आरोप लगावत बताइस कि वहिका विकलांग प्रमाण पत्र नहीं मिला आय। यहिसे वहिका कउनौ भी सरकारी योजना का लाभ नहीं मिल पावत हवै।
कामता प्राद का कहब हवै मोर उम्र अट्ठारह साल होइगे हवै। यहिसे 16 जनवरी का तहसील मा विकलांग प्रमाण पत्र बनवावैं खातिर आय रहांै। मैं हाथ से विकलांग हौं। मोर जांच डाक्टर राजकुमार त्रिपाठी करिस रहै। मोर फोटो भी खिंच गे रहै। मोहिका अबै तक विकलांग प्रमाण पत्र नहीं मिला आय। यहिसे विकलांग प्रमाण पत्र खातिर डाक्टर राजकुमार त्रिपाठी के चक्कर मा चक्कर लगावत हौं। उंई आज कल कहिके टार देत हवैं। लोढ़वारा गांव से कर्वी तक आवैं जाये मा दस रुपिया लाग जात हवै। यहिसे समय अउर रुपिया दूनौं के बर्बादी होत हवै।
डाक्टर राजकुमार त्रिपाठी का कहब हवै कि कामता प्रसाद का विकलांग प्रमाण पत्र बना धरा हवै। वा आ के लइ जा सकत हवै।