पेपर मील से हुअत पर्यावरण प्रदूषित

पेपर मील

जिला फैजाबाद, ब्लाक पूराबाजार, गांव रामपुर हलवारा। हिंआ के मनइन का पेपर मील से तीस साल से बहुतै परेषानी हुअत बाय। अउर गांव पाराखान कै मनई विरोध करत बाटे कि पेपर मील से प्रदूषण फैलत बाय।
पाराखान कै दुर्गा, दीपू, जयप्रकाष बताइन कि यहि गांव मा पेपर मील से बहुतै दिक्कत हुअत बाय। पेपर मील से बहुतै आवाज हुआ थै। यही कारण मनई कान से बहिर होय जात हइन। मील से जवन जहरीला अउर गन्दा पानी निकरा थै ऊ हमरे सबके खेती कै फसल नष्ट करत बाय। अउर जवन धुंआ निकरा थै ऊ हवा, पानी मा गन्दगी फैलावत बाय। जेह कारण से मनइन मा बिमारी फैलत बाय।
पेपर मील कै सिक्योरिटी कृपाल बताइन कि पेपर मील सन् 1981 मा बना रहा। हिंआ काम करै वाले मनई आठ सौ अहैं जेहमन से पैंतालिस मेहरारू काम कराथिन। अउर तौ गांव वाले का परेषानी तौ हुआथै।
प्रदूषण नियन्त्रण आफिस के बाबू अमरनाथ तिवारी बताइन कि हिंआ कै अधिकारी श्री घनष्याम क्षेत्रीय अधिकारी नाय बाटे अइहैं तौ सारी जानकारी देइहै। हम वकरे बारे मा कुछ बताय नाय सकित।