कैलासी देवी
जिला सीतामढ़ी, प्रखण्ड रीगा, पंचायत सिरौली प्रथम, गांव जयनगर, वार्ड नम्बर छौ। उहां कैलासी देवी के पति भरदुल राउत के मरला दस साल होलई मगर आई तक पेंसन में नाम न जुटल हई। जेई कारण उनका दिक्कत न हो रहल हई।
कैलासी देवी कहलथिन कि हमर उमर सतर साल हो गेलई। केतना बेर नाम लिखा के गेल हजार रूपईया से ज्यादा खर्च भी हो गेलई। एक बेर तनका गो पुर्जी प्रखण्ड से मिलल रहलक उ हेरा गेल। तब से कुछो न मिलल। हमरा पास दु गो बेटा हय। उ सब अपन-अपन परिवार लेके अलग रहई छई। हमरा लाल कार्ड हई ओई पर राशन मिल जाईय। गांव में केकरो काम कईली। बच्चा के तेल लगा के अपन जीवन कटई छी। मगर आई ले पेंसन में नाम न जुटल। पेंसन मिलईत त कुछो सहारा होईत।
मुखिया पवन कुमार कहलथिन कि काम करावे वाला लोग हमरा पास अईथिन तब न हम उनकर काम के लेल सहयोग करब।
प्रखण्ड विकास पदाधिकारी राजा राम पासवान कहलथिन कि उनकर आवेदन काउन्टर पर जमा हो गेल हई त रसीद लेके जाॅच करावे कें होतई न त फिर से आवेदन प्रखण्ड में जमा करे परतई। तब उनकर नाम पेंसन में जोड़ल जतई।