मोहम्मद अबुल अजिज
जिला शिवहर, प्रखण्ड तरियानी, गांव कस्तुरिया, वार्ड नम्बर पंद्रह। इहां के लगभग छौ लोग के पेसन न मिल रहल हई। जेई कारण उ सब परेशान छथिन।
इहां के गोदनी खातून, मोहम्मद नथुनी, मोहम्मद अबुल अजिज सब कहलथिन कि एई गांव में कोनो सुविधा न मिलई छई। हर जगह सब के पेंशन मिल रहल हई, हम सब रास्ते देखईत रह गेली। केतना बेर पंचायत में लिख के देली लेकिन कुछो न भेल। हम सब ऐतना उमर में आ गेली लेकिन पेंशन न मिल रहल हई। हम सब गरीब छी ओहु में ऐतना वृद्धा हो गेली। जेहे रूपईया मिलईत त एई अवस्था में अपन दवा दारू करती। हम सब कि करू?
मुखिया नाजो खातून के पति अमिन अंसारी कहलथिन कि उहां के लोग के नाम के लिस्ट जिला में भेंज देले छी। जब पास होके अतई त मिलतई।
प्रखण्ड विकास पदाधिकारी विनय कुमार सरस कहलथिन कि जिनकर काम पंचायत में न हो रहल हई उ आर.टी.पी.एस. काउन्टर पर या हमरा पास आवेदन देथिन। उनकर काम हो जतई।