शिकायत करईत लोग
जिला शिवहर, प्रखण्ड तरियानी, गांव घोरहा पुनर्वास टोला, वार्ड नम्बर तेरह। उहां 04 जनवरी 2014 में वृ़द्धा पेंसन मिललई। लेकिन दस महिना बाद भी तीने महिना के मिललई जइसे लोग परेशान छथिन।
उहां के सिंहासन देवी, कौशल्या देवी, कमल राम, गायत्री देवी कहलथिन कि अभी तीन-चार दिन पहिले हमरा सब के वृद्धा पेंशन के रूपईया मिलल। दस महिना के बाद मात्र छौ सौ रूपईया मिलल। कोन हिसाब से देई छई केना देई छई से हम सब न जनई छी। एक त प्रखण्ड में बाटे के हई अउर पंचायते में पेंशन के रूपईया बटलथिन।
पंचायत सचिव देवेन्द्र प्रसाद सिंह कहलथिन कि 28-29 दिसम्बर 2013 अउर 3-4 जनवरी 2014 के पेंशन के रूपईया वितरण कइली। हम अपना पंचायत के लगभग चार सौ लोग के पेंसन के रूपईया बाटली ह अउर अपना सुरक्षा के लेल पंचायत में ही रूपईया वितरण कइली ह।
एस.डी.ओ. मोहम्मद वारिस खान कहलथिन कि अभी कोनो पंचायत में महिना के अधार पर पेंसन न मिल रहल हई। कोनो-कोनो पंचायत में त मार्च तक ही मिलल हई। फंड में रूपईया न रहे के कारण इ समस्या हो रहल हई।