कबरई थाना में बेठो कामता
जिला महोबा, ब्लाक कबरई, गांव सिचैरा। एते 28 मार्च 2015 खा कामता पुत्र मौनिया आहिरवार शभा सिंह की लड़ाई भई हती। कामता को अरोप हे कि शोभा सिंह ने कुल्हाड़ी मार दई हे। जीसे खोपड़ी फट गई हे। ईखी दरखास कबरई थाना में दई हे।
कामता बताउत हे कि शभासिंह हमें दलित आदमियन खा बोहतई सताउत हे। आरोप हे कि 18 मार्च खा शभासिंह ने एक पागल आदमी खा सिखा के ओर मिठाई देके मोई बहन के साथे छेड़खानी करी हती। हमने थाना में दरखास दई तो पुलिस ने खिसिया के भगा दओ हतो। 27 मार्च खा हम खेत काटत हते तो ओतई बन्दूक लेके गओ ओर गली गलौज करन लगो। मेनें थाना में बबलेश सिपाही खा फोन करके बताओ कि मोई जान खा खतरा हे। कोनऊ ने नई सुनो। 28 मार्च खा ऊने हमाये खेत में भैंस छोर दई हमने मना करो तो गली दई ओर कुल्हाड़ी सिर मे मार दई। जीसे मोई खोपड़ी फट गई हे। पुलिस मोई नई सुनत हे। जीसे ऊखे ओर हांैसला बढ़त हे। 28 मार्च खा दरखास दई हती तो मोई रिपोर्ट नई लिखी हे। सभा सिंह कहत हे कि कामता शराब पियत हे। में पेड़ तरे बेठो हतो तो ऊने मोये लाठी मार दई। जीसे मेंने भी मारो हे।
कबरई थाना के एस.ओ चंचल यादव ने बताओ की धारा 223, 504, 506 के तहत सभासिंह के नाम मुकदमा लिख गओ हे। ओर धारा 151 के तहत 1 अपै्रल को चालान कर जेल भेज दओ हे।