पानी पियै से पढा़ई मा परत असर

जिला चित्रकूट, ब्लाक कर्वी, गांव बैहार। हिंया प्राथमिक स्कूल का हैण्डपम्प खराब हवै। यहिसे बच्चन का पानी पियै के समस्या हवै। बच्चा गांव मा लाग हैण्डपम्प से पानी पियै जात हवं। हैण्डपम्प बनवावै खातिर बेसिक शिक्षा विभाग मा 10 अक्टूबर का लिखित दीन गे हवै।
स्कूल मा पढै़ वाले बच्चन का कहब हवै कि पानी पियै का तरसित हन। पास के हैण्डपम्प जइत हन। हुंवा हैण्डपम्प मा भीड़ लाग रहत हवै। यहिसे पढ़ाई का नुकसान होत हवै। अगर हैण्डपम्प बन जाये तौ हमार समस्या खतम होइ सकत हवै।
स्कूल का हेडमास्टर कहिस कि हैण्डपम्प बनवावै खातिर बेसिक शिक्षा विभाग मा लिखित दीन गे हवै। स्कूल मा कुल एक सौ बयालिस बच्चा हवंै। बेसिक शिक्षा विभाग के बाबू सत्येन्द्र सिंह कहिन कि बीस दिन के भीतर हैण्डपम्प बनवावा जई।