खबर लहरिया सीतामढ़ी पानी के बरा दिक्कत

पानी के बरा दिक्कत

शिकायत करइत लोग

शिकायत करइत लोग

जिला सीतामढ़ी, प्रखण्ड रीगा, पंचायत षवाजपुर, गांव खरसान। उहो वार्ड नम्बर नौ में लगभग पन्द्रह घर के लोग के चापाकल के बहुत दिक्कत हई। जेइ कारण पानी भरे के लेल बड़ा परेषानी होई छई।
उहां के रामदेनी ठाकुर, सुनिता देवी, राम दुलारी देवी सब कहलथिन कि एइ्र टोला में पन्द्रह घर के लोग के चापाकल के पानी के बड़ा दिक्कत होइ छई। जेकरा दुरा पर सरकारी चापाकल हई। उ लोग सब कुछ दिन तक बाहर में रखलक ओइ के बाद घेर के अन्दर में कलेइ छथिन। हमसब रात बिरात पानी मठ या स्कूल के चापाकल से लवइले। जेकरा दुरा पर चापाकल हई उ लोग षाम होइते घर बन्द क लेइ छथिन। सुनिता देवी कहलथिन कि अगर रात में केकरो घर में आग भी लाग जतई त बुझावे के लेल जल्दी पानी न मिलतई।
मुखिया षीवचन्दर पासवान कहलथिन कि 2012 में जे चापाकल आयल रहई। ओइ के बाद अभी न मिललई चतुर्थ वित्त आयोग में रूपईया न आ रहल हई। ओइसे सब लोग घरे घरे चापाकल मंगई छई त केकरा केकरा दियई।