पानी का जलस्तर नीचे जाने से चित्रकूट जिले के नांदिन कुर्मियान गाँव में सूखे पड़े हैंडपंप और कुएं

चित्रकूट जिला के ब्लाक रामनगर के गांव नांदिन कुर्मियान मा पानी का जलस्तर नीचे जाय से हैंडपंप अउर कुआं सूखगे हवैं। प्यास बुझावै के खातिर मड़ई पानी के तलास मा मीलन भटकत हवैं। जहरीली देवी का कहब हवै कि 15 दिन से या नल खराब पड़ा हवै। पानी का बहुत दिक्कत होत हवै।

रामकली बताइस हवै कि पानी के खातिर कोसन जाय का पड़त हवै अउर मड़ई आपन नल से भरै नहीं देत आहीं। कोसन दूरी जाय के बादौ पानी नहीं मिलत आय।  

विशाखा देवी का कहब हवै कि मड़ई कहत हवै कि आपन आपन नल से भरौ या सरकारी नल न होय। अब पानी नहीं मिलत आय तौ पानी भरै तौ जाबै करब।  राधा देवी बताइस हवै कि पानी पिये का, नहाये का, कपड़ा धोवै का सब कहे मा तौ लागत हवै।

ग्राम विकास अधिकारी सुरेश चन्द्र का कहब हवै कि पहिले नल चलत रहे हवैं, पै अब हुंवा बगल मा ट्यूबवेल होइगा हवै यहै से पानी का स्तर कम होय के कारन नल बंद होइगें हवैं।  कइयौ दरकी बोर बड़ी मशीन से करवा चुके हन, पै बोर सफल नहीं भा। यहिके कारन मैं टैंकर के द्वारा पानी पूरे गांव मा सुबह शाम सप्लाई का पानी भेजत हौं।

रिपोर्टर: राधा

Published on May 10, 2018