पन्द्रह साल से खराब सड़क नईं होत सुनवाई

जिला महोबा, ब्लाक चरखारी गांव कीरतपुरा को मजरा कांकुन, पंडितन को मोहल्ला। एते के सड़क चार सौ मीटर हे। जोन पन्द्रह साल से खराब परी हे। जीसे आदमी सड़क बनवायें की मांग करत हे।
माहल्ला के भरतलाल मिश्रा, सुरेश तिवारी ओर बद्ररीलाल मिश्रा कहत हे की जित्ते भी गांव प्रधान भये हे। सब अपने अपने केती देखत हे। काय से हम उच्च। जाति के हे तो हमाई कोनऊ र्नइं सुनत हे। जभे की हम ई सड़क से गिलाव में हेल के पन्द्रह साल से निकरत हे। हमाये एते आदमी आये में डिरात हे काय से केऊ आदमी गिर चुके हे। जभे बरसात में पानी बरसत हे तो घर से बाहर नईं निकर पाउत हे, पानी भरो रहत हे। गयाप्रसाद ओर नारायन मिश्रा कहत हे की हम अपने बच्चन खा लेके स्कूल छोड़न जात हे। केऊ दइयां प्रधान से कही हे कोनऊ नईं सुनत हे।
प्रधान ने बताओ की मेने तीन सड़क बनवाये के लाने बजट की मांग करी हती। मोये दो सड़क सड़क को रुपइया मिलो हतो। जोन दोनऊ बनवा दई हे। अब मोये पास बजट नईया जीसे ऊ सड़क बनवाई जा सके