पत्नी कै गला काटिके किहिन हत्या

जिला फैजाबाद, ब्लाक मया। हिंआ के महराजगंज थाना क्षेत्र के अलनाभारी गांव मा 30 मई का रात एक युवक अपने मेहरारु कै गला काटिके हत्या कै दिहिस।
मृतिका के पिता रामपियारे कै आरोप बाय कि शादी के कुछ समय बाद से ही विनय अपने माता पिता व भाई से अलग रहिके पत्नी व तीन बच्चन के साथे रहत रहिन। हमरे लड़की के नाम दस हजार कै एन.एस.सी रहा। आये दिन उहै पैसा निकारै का विनय दबाव डारत रहिन। गेदहरन के बताये के अनुसार हमरे बिटिया निशा का पहिले लाठी डंडा से मारिन। जब बेहोश होय गइन तौ गड़ासा लइके गला काटि दिहिन। 1 मई का सुबह जब हमैं सूचना मिली तौ हम आयन देखेन तौ हमार लड़की मरी पड़ी रही। तब यकै सूचना महराजगंज थाना मा दिहन।
महराजगंज थाना कै थाना अध्यक्ष वृजेश कुमार सिंह बताइन कि पारिवारिक कलह से हत्या भै बाय। आरोपी विनय कुमार गन्ना के खेत से गिरफ्तार कीनगै बाय। लड़की के पिता रामपियारे के तहरीर पै विनय कुमार उर्फ कन्नू पुत्र भग्गूलाल के खिलाफ मुकदमा अपराध संख्या 131/16 धारा 302 (हत्या) कै मुकदमा दर्ज कीन गै बाय। विनय का जेल भेज दीनगै बाय।