पत्नी का मारि डारै के आरोप मा पति गिरफ्तार

जिला अम्बेडकर नगर, ब्लाक कटेहरी, गांव मथानी। हिंआ 17 मई 2015 का दहेज खातिर पत्नी कै रूपट्टा से गला कसिके मारै के आरोप मा पति का भै जेल।
गांव वाले बताइन कि मथानी गंाव कै फरहान कै बिटिया आमिना खातून कै षादी सिलावट गांव मा 21 जून 2014 मा सद्दाम के साथे भै रहा। षादी परिवार वाले दहेज भी दिहे रहिन। पांच महीना कै गर्भवती भी रही कुछ दिन बाद पचास हजार रुपया मांगै लागिन। अउर आमिना का प्रताडि़त भी करै लागिन। 17 मई कै सास अपने मायके षादी समारोह मा गै रहिन। सद्दाम भी वही गै रहिन। रात मा सद्दाम घरे वापस चला आइन। रूपट्टा से आमिना कै गला कसी कै मार डारिन। षव खटिया पै परा रहा मुंह, नाक से खून निकरा रहा।
आमिना कै चाचा उमरान बताइन कि बाद मा गांव वाले फोन पै बताइन कि आमिना कै मउत होइगै। गांव आये से पता चला कि दुपट्टा से गला कसिके मारा गै रहा। पचास हजार रुपया न दियै से ऐसे सब किया गै बाय। पति सद्दाम कै कहब बाय कि आमिना कै मउत रात एक बजे भै लकिन हम सुबेरे पांच बजे गांव वालेन का बतायन। आमिना कै चाचा उरमान महरूआ थाना मा सूचना दिहिन।
महरूआ थाना कै एस.ओ. राजदेव मिश्र बताइन कि षव का पोस्टमार्टम खातिर भेज दिया गै। उरमान के तहरीर पै पति के खिलाफ दहेज हत्या कै केस दर्ज कइके पति सद्दाम का गिरफ्तार कइके जेल भेज दिया गै बाय।