कालोनी के करत मांग
जिला चित्रकूट, ब्लाक मानिकपुर, कस्बा रैपुरा। हिंया के सुरेश आपन पांच बिटियन का लइके बारह बरस से पंचायत भवन मा रहत हवै। वहिके घर नहीं आय। प्रधान से कालोनी के मांग करत हवै, पै बारह बरस से वहिका कालोनी नहीं मिली आय।
सुरेश अउर वहिके मेहरिया निशा बताइस कि अपने बच्चन का लइके बारह बरस से पंचायत भवन मा रहित हन। न तौ जमीन आय न घर। पहिले एक कमरा रहै वा भी गिर गा हवै। सरकार कइती से कुछौ लाभ नहीं मिलत आय। न हमरे राशन कार्ड अउर न कालोनी। मिट्टी का तेल बाजार से लइके जलाइत हन। प्रधान राशन कार्ड बनवाइस रहै 2010 मा वा भी चालू नहीं भा तौ कुछौ नहीं मिलत आय। गरीब मड़ई हन। प्राइवेट बस मा खलासी गिरी करत हवै, तौ सौ रूपिया का रोज मिलत हवै। वा आटा सब्जी भर का होइ जात हवै। परिवार का खर्चा नहीं पूजत आय। प्रधान रेणुका देवी का मनसवा गुड्डा उर्फ जगदीश पटेल का कहब हवै कि वहिके घर नहीं रहै तौ पंचायत भवन मा राख दीन हवै। जबै कालोनी अई तौ दीन जई।