न रूपईया, न काम

अधूरा भवन बनल

जिला सीतामढ़ी, प्रखण्ड रीगा, पंचायत भगवानपुर, गांव हनुमान नगर। उहां नौ माह से मनरेगा भवन बन रहल हई। लेकिन रूपईया न रहे के कारण काम बंद हो गेल ई।
उहां के राजमंगल साह, जयमंगल साह कहलथिन कि हम सब सोचईत रहली कि मनरेगा भवन बन जाईत त इहां सब के सुविधा होतई। मनरेगा भवन के काम दु माह से बंद होयल हई। जब से भवन बने के शुरू होलई तब से आज तक लगातार काम न होलई। अभी भवन अधूरा हई।
मुखिया विनय साह कहलथिन कि रूपईया न रहे के कारण काम बंद हई। बालू, सिमेन्ट के भी रूपईया  बांकी हई। 16 जुलाई 2014 के आवंटन फाईल वापस न होलई। रूपईया न हई जेई कारण काम अधूरा परल हई।
प्रखण्ड कार्यक्रम पदाधिकारी कृपाशंकर झा कहलथिन कि मनरेगा में रूपईया न रहे के कारण उहां के काम बंद कयल गेलई। रूपईया अतई तब काम शुरू करायल जतई।