न मिललई कन्या विवाह योजना

इनका न मिललई लाभ

जिला सीतामढ़ी, प्रखण्ड पंचायत, बथनाहा पश्चिमी, गांव ब्रह्मपुरी टोला। उहां वार्ड नम्बर तेरह के ललिता देवी के शादी 2012 में भेलई। लेकिन इनका अभी तक कन्या विवाह योजना के चेक न मिललई।
इनकर माई बुधनी देवी कहलथिन कि हम बहुत गरीब छी केहुना अपना बेटी के शादी कईली। शादी भेला एक साल से ज्यादा हो गेलई। लेकिन रूपईया कहिया मिलतई। शादी के एक महिना के अंदर में आवेदन साबूत के साथ मुखिया के इहां जमा क देली। शादी में कुछ कर्जा महाजन लेले रही जेईमें कुछ रूपईया भी बाकी हई। कन्या विवाह वाला रूपईया मिल जाईत त कर्जा सधा देती।
मुखिया शांति देवी के पति पंकज कुमार सिंह कहलथिन कि हम प्रखण्ड में आवेदन जमा कर देले छी। अब रूपईया अतई तब न मिलतई।
प्रखण्ड किरानी कमल चैधरी प्रखण्ड विकास पदाधिकारी रजत किशोर सिंह कहलथिन कि अनुसूचित जाति के रूपईया न आयल हई। लेकिन एक महिना के अंदर में आ जतई। तब सब लाभार्थी के चेक मिल जतई।