जिला सीतामढ़ी, प्रखण्ड बथनाहा, पंचायत, गांव कमलदह, वार्ड नम्बर पांच। इहां पी.एच.इ.डी. विभाग से पुरे वार्ड में लगभग सौ शौचालय के निर्माण भेलईय, कुछ अधुरा हई। अई काम के अंजाम देवे में राजश्री महिला विकास संस्थान भी मदद कर रहल छथिन।
इहां के शीला देवी अउर माझी महतो कहलथिन कि शौचालय से हमरा सब के बहुत सुविधा हो गेलक। सब एकर उपयोग भी कर रहल छथिन, अब रात-बिरात बाहर शौच के लेल न जाय परईय। शौचालय बनावे में हमरा सब के अपना ओर से सात सौ ईटा लगावे के भेल।
वार्ड सदस्य राम प्रताप बैठा कहलथिन कि हम अपना वार्ड के शौचालय बनवइलीह। अब जे सब बाकी छथिन उनकर सब के बनतई। पी.एच.ई.डी. के इंजिनियर गंगा सिंह कहलथिन कि इ शौचालय पी.एच.ई.डी. के अंतर्गत बन रहल हई। एगो शौचालय के लागत दस हजार हई। लेकिन इहां से छैयालिस सौ रुपईया के ही भुगतान होइ छई। पैतालिस सौ रुपईया मनरेगा के ओर से अउर नौ सौ रुपईया या ओतना लागत के समान लाभार्थी के खुद देवे के हई।
बनल शौचालय