नाम खातिर बना बस स्टाप

जिला अम्बेडकर नगर, ब्लाक कटेहरी। हिंआ बस स्टाप बना बाय लकिन बस रुकत नाय। आवै जाय वाले यात्रिन का बहुत दिक्कत हुआथै।
संतोष कुमार, हौंसिला प्रसाद बताइन कि अकबरपुर से फैजाबाद जाए वाले मेन सड़क पै कटेहरी बाजार ब्लाक वाले रोड़ के लगे बना बस स्टाप लगभग दस साल से बना बाय। कहियौ हिंआ पांचै मिनट के ताई बस नाय खड़ी हुवत।
यात्री रणविजय, पियूष बताइन कि फैजाबाद या लखनऊ जाए का हुआथै तौ बस पकरै का पराथै। हाथ देहे के बाद भी कउनौ बस रुकाथै तौ कउनौ सीधे निकर जाथै। संतोष कुमार बताइन कि बस रुकै खातिर कइयौ दांय परिवहन विभाग मा अप्लीकेषन भी देहे हई अउर मंत्री से भी कहिगै लकिन कउनौ सुनवाई नाय भै।
उत्तर-प्रदेष परिवहन विभाग अकबरपुर कै ड्यूटी क्लर्क हरी प्रसाद गुप्ता बताइन कि अकबरपुर डिपो अम्बेडकर नगर डिपो कटेहरी बस स्टाप पै रुकाथै। लकिन आजमगढ़ डिपो नाय रुकत। यकरी खातिर क्षेत्रीय प्रबन्धक फैजाबाद मा अप्लीकेषन दिहे हई कि आजमगढ़ डिपो कटेहरी मा रुकवाया जाए। जब हुआ से आदेष होये तब आजमगढ़ डिपो रुकै लागे।