नहीं मिलै मुकदमा वसूली का रुपिया

जिला बांदा का मोहल्ला बंगालीपुरा। हेंया क शहनाज 19 नवम्बर 2015 का खाना खर्चा वसूली का मुकदमा दुबारा दायर कई दिहिस। अबै तक रूपिया मिलैं के आस मा दउड़ भाग करत हैं।
शहनाज का कहब है-“मैं आपन मइके मा 2005 से रहत हौं। मोर ससुराल श्योपुर कलां जिला मुरैना आय। एक लड़का मोरे लगे है अउर दुई लड़की मनसवा कमरूद्दीन लईगा है। मै खाना खर्चा का मुकदमा 2005 से लड़त रहौं। 17 अगस्त 2015 मा मुकदमा भी जीत गईंव। पांच हजार रूपिया खाना खर्चा बन गा है। लगभग चार लाख रूपिया मुकदमा वसूली का बनत है। मनसवा या रूपिया नहीं दें चाहत आय। मुकदमा मा कतौ नहीं आवत आय।”
वकील सैयद अली मंजर का कहब है कि शहनाज का मुकदमा खाना खर्चा वसूली का बन गा है। कोशिश पूरी कीन जात है कि उनका पूरी के पूरी वसूली का रूपिया देवावैं।