नहीं मिलत काम

बतावत समस्या

जिला चित्रकूट, ब्लाक मानिकपुर, गांव चूल्ही अउर डांड़ी। इं गांव मा लगभग पांच हजार मड़इन का कउनौ काम नहीं मिलत हवै। या समस्या लगभग छह बरस से हवै। यहै से मड़ई परदेश कमाये खातिर जाये का मजबूर हवैं। यहिके खातिर ब्लाक मा 18 जून 2014 का लिखित दरखास दीनगे।
या समस्या का लइके मानिकपुर ब्लाक के ब्लाक प्रमुख श्याम बिहारी से बात भे। उनकर कहब हवै कि बजट पास होइ तौ मजूरन का काम मिली।
चूल्ही गांव के राजा अउर पूर्व चेयरमैन नत्थू कोल कहिन कि काम नहीं मिलै। मेहरिया जंगल से लकड़ी काट के बेंचत हवैं। तबै घर का खर्चा चलत हवै। डांड़ी गांव के सुआकली, शोभा अउर प्रेम कहिन कि अगर गांव मा काम मिलै तौ हमका परदेश न जाये का परै।