नहीं आय शौचालय

जिला चित्रकूट, ब्लाक मऊ, कस्बा लालतारोड मेन चैराहा। हिंया शौचालय नहीं बना। या कारन दुकानदार आवैं जाये वाले यात्री परेशान रहत हवै।
कस्बा के दयाशंकर तिवारी, संदीप कुमार अउर रामप्रसाद का कहब हवै लालतारोड मेन चैराहा हवैं। हिंया से मऊ, खण्डेहा, कर्वी अउर इलाहाबाद के यात्री आवत जात हवै, पै शौचालय न होय से पेशाब करैं खातिर हिंया हुवां जघा ढूढ़त हवै। मनसवा तौ कउनौतान पेशाब कइ लेत हवैं, पै औरत अउर लड़की का सबसे ज्यादा पेशाब करैं के समसया होत हवै। यहै से शौचालय बनवावैं खातिर मार्च 2014 का एस.डी.एम. अवधेश श्रीवास्तव का लिखित दरखास दीने रहेन। तबहूं शौचालय नहीं बना आय। एस.डी.एम. अवधेश श्रीवास्तव का कहब हवै कि लिखित आई रहै। मड़इन के लिखित पूर्व डी.एम. मुथुकुमार स्वामी बी के लगे पहुंचा दीन गे रहै। पंचायती राज विभाग से शौचालय पास होइ तौ जरुर बनवावा जई।