नल मा पानी नहीं आवत, पै बिल बराबर भेजत

जिला चित्रकूट, ब्लाक मानिकपुर, कस्बा रैपुरा, बोड़ी पोखरी। हिंया सप्लाई नल के पाइप एक साल से टूट हवै। यहै से मड़ई पानी के समस्या झेलैं का मजबूर हवैं।
रैपुरा के जीतेन्द्र, रामप्रकाश अउर बोड़ी पोखरी के लवकुश अउर दीपू का कहब हवै कि सप्लाई नल मा पानी नहीं आवत। मड़ई पानी खातिर हिंया-हुंवा भटकत फिरत हवैं। या समस्या का लगभग पांच हजार मड़ई झेलैं का मजबूर हवंै। सप्लाई पाइप टूट हवै, पै बिना पानी के जल संस्थान कइती से बिल बराबर आवत हवै। सप्लाई पाइप बदलावैं खातिर कर्वी जल संस्थान मा 10 नवम्बर 2014 का लिखित दीने हम पै ध्यान नहीं दीनगा।
रैपुरा पम्प आपरेटर कौशल किशोर का कहब हवै कि मैं तौ टंकी मा पानी रोजै छोड़त हौं। पाइप टूटै के बारे मा मोहिका पता नहीे आय।
कर्वी जल संस्थान के सहायक अभियंता डी.एम. तिवारी का कहब हवै कि अबै तक पता नहीं रहै। अब पता होइगा हवै। सप्लाई पाइप बदला दीन जई।