नया सिरा से बनतई सूची

जिला सीतामढ़ी, प्रखण्ड कार्यालय सोनबरसा में 5 अगस्त 2014 के इंदिराआवास सहायक के प्रशिक्षण भेलई। जेइमें नया सीरा से इंदिराआवास सूची बनावे के बतायल गेलई। ऐई पंचायत में बीस पंचायत के इंदिराआवास सहायक भाग लेले रहलथिन। प्रशिक्षण देवे वाला गंगा साह कहलथिन कि पिछला इंदिराआवास सूची के आधार पर नया सूची बनायल जतई। जेकरा अनुसुचित, विकलांग, समान्य अउर अल्प संख्यक चार कोटी बांटल जतई। ऐई के लेल घर-घर जाके सही तरकिा से बी.पी.एल परिवार के सर्वे करे के हई। नया सर्वे सूची के ही आधार पर इ स्पष्ट कयल जतई कि किनका लाभ देवे के हई अउर किनका लाभ से वंचित रखे के हई। जेईमें बहुत ही सही तरिका से काम करे के होतई। इ सर्वे एई ला हो रहल हई कि आवे वाला 2 अक्टूबर के इंदिराआवास के शिविर जेईमें एही सूची के आधार पर लोग के इंदिराआवास के चेक वितरण कयल जतई।