नदी में डूबने से मौत

जिला महोबा, ब्लाक जैतपुर, गांव बछेछर खुर्द। एते खे ब्रहमनदी में 6 जुलाई खा सुबेरे आठ बजे हो लड़का डूब के मर गये हें। इ घटना से गांव में दुख को महोल बनो हे।
चंद्रभान काहत हे कि सुबेरे शौच खा मिहीलाल नदी खे किनारे गओ हतो। ओते दो लड़का मिहीलाल से चिल्ला के कहत हते कि एक लड़का नदी में डूब गओ हे जीसे मिहीलाल नदी में कूद गओ ओर नरेन्द्र खा पकर लओ,पे नदी के पानी खा बहाव बोहतई तेज हतो जीसे दूनो जन बह गये। मिहीलाल के उम्र इक्कीस साल ओर नरेन्द्र् खे उम्र ग्यारह साल हती। मिहीलाल के लाश तो मिल गई,पे नरेन्द्र के लाश का कोनऊ पता नइयां।
नरेन्द्र खा चाचा लल्लू इ गांव खा प्रधान हे। ऊ कहत हे कि नदी के किनारे लोग शौच खा रोज जात हें। इ घटना पेहली बार भई हे। अगर सरकार लोगन खा शौचालय दइ दे तो काहे खा लोग नदी में षौच खा जेहें।
छबलाल कहत हे कि एसो पेहले कभऊं नइ्र भओ हे। जा पेहली घटना नदी में भइ्र हे।