ई हई झोपड़ी
जिला शिवहर, प्रखण्ड शिवहर के नगर पंचायत रसीदपुर में लोग के इंदराआवास न मिलई छई। जेई कारण उ सब परेशान छथिन।
इहां के चिंता देवी, मीना देवी सब कहलथिन कि हमरा सब के पास रहेला घर न हय। तईयो इंदराआवास न मिल रहल हय। सब गांव में लोग के इंदराआवास मिलई छई लेकिन इहां कयला न मिलई छई। गरीब आदमी केतना कमाई छई जे परिवार चलतई कि घर बनतई। वार्ड परिषद राज कुमार साह कहलथिन कि नगर पंचायत में इंदराआवास के सुविधा न मिलई छई। लोग हमरा कहई छथिन कि सुविधा न देई छथिन। जब मिलबे न करई छई त हम कहां से दियई?
जिला पदाधिकारी विनोद नारायण सिंह कहलथिन कि नगर पंचायत में इंदराआवास के सुविधा न मिलई छई। लेकिन उनका सब के दोसरा योजना से लाभ मिलई छई।