नई होत सफाई

जिला महोबा, ब्लाक जैतपुर, गांव भटेवरा खुर्द। ई गांव में लगभग तीन साल से सफाई नई भई आय। जीसे गांव में आदमियन के द्वारे में कूड़न को ढेर लगो हे।
ई गांव में सफाई खा लेके बात करी तो आदमियन ने आपन नाम न बतायें कि सर्त के साथे कहो कि हमाये गांव में मीरा सफाई कर्मी के पद में काम करत हे। पे ऊ सिर्फ नाम भर खा सफाई कर्मी हे। काय से इत्ते गांव के कहंू सफाई नई करत हे। पूरे गांव की नाली ओर गली कूड़ा से भरी हें। गांव की एक ओरत कहत हे कि अगर हम मीरा से सफाई करें खा कहत हें तो मीरा कहत हे कि में कोनऊ के द्वारे मे झाड़ू न लगाहों। ईखे साथे लड़े खा तैयार हो जात हे। अगर सफाई कर्मी गांव में सफाई नई करत तो सरकार ऊखे सेत को वेतन काय देत हे।
प्रधान मोहन लाल ने बताओ कि महिला सफाई कर्मी हे ओर ऊ दबंग भी हे जीसे कह पे उल्टे सीधे आरोप लगाउत हे। एई से हम कछू नई कहत हे।
सफाई कर्मी मीरा बताउत हे कि में रोज स्कूल के साथे गांव की गलिन में सफाई करत हांे। गांव के आदमी झूठ बोलत हें। में तीन हजार की आबादी में अकेले सफाई कर्मी हों एई से पूरे गांव मे इकट्ठा झाड़ू नई लग पाउत हे।