न्याय के लाने कचहरी मे आई फूला
जिला महोबा, ब्लाक कबरई, गांव बरातपहाड़ी। एते के चैकीदार धनश्याम को आरोप हे कि 12 मई खा गांव के रम्मा, नीरज, राजकिशोर, धनीराम ने मिल के मोये ओर मोई ओरत फूला खा मारो हे। जीसे न्याय के लाने हम दोनऊ दर-दर भटकत फिरत हे।
गांव के चैकीदार घनश्याम ने बताओ कि हमाये गांव में शराब बिकत हे, ईखी सूचना मेंने फोन से सिपाही खा दई हती। कोनऊ ने नई सुनो। 12 मई खा घर के सामने धनीराम ओर ऊखे दोस्त द्वारे में शराब पीके जुआं खेलत हते। हमने मना करो, तो चारऊ जाने ने मारो हे। ओरत फूला ने कहो कि में बचाउन गई तो मोये भी मारो हे। जीसे मोओ हाथ टूट गओ हे। पुलिस अपराधियन खा नई पकरत हे। रोज गली गलौज करत हे ओर गांव से निकरें की धमकी देत हे। एई से 26 मई खा कोर्ट को सहारा लेन आई हो।
दरोगा मुन्ना खांन बताउत हे कि धारा 323, 504, 506 ओर 452 के तहत मुकदमा लिख गओ हे।
एसई ब्लाक जैतपुर गांव बम्हौरी खुर्द। एते शिवलाल ने कहो कि 22 मई खा धन्नी मोये घर के बगल की माटी खोदत हतो। मेने मना करो तो धन्नी, उदित ओर पे्रमचन्द्र ने गली गलौज कर मोये साथे मारपीट करी हे। ईखी रिपोर्ट कुलपहाड़ कोतवाली में लिखाई हे। धन्नी ने बताओ कि बातन-बातन में लड़ाई ओर मारपीट भई हे। कोतवाली के एस.आई. रामकुमार ने बताओ कि अपराधी पकर गये हे।