नई मिलत किसानन खा मुआवजा

जिला महोबा, ब्लाक जैतपुर, गांव बिहार के किसान दीनदयाल आशाराम, फूलसिंह के साथे पचास अरदमियन ने 7 जून खा कुलपहाड़ तहसील में दरखास दई हे। डी.एम. वीरेश्वर सिंह से खेती में भओ नुक्सान के मुआवजा की मांग करी हे।

सोहनलाल ब्रजभूषण ओर सुभाष बताउत हे कि हमने अपनी खेती में मसूर बोई हती। दाल तक खा एकऊ नई भई हे। हमाओ परिवार भुखमरी के कगार में आ अगो हे। एक-एक दाना खा तरसत हे। परिवार के पेट खे लाने। जभे की आस पास के गांवन के किसानन खा मुआवजा मिल गओ हे। गंाव कैथोरा के किसान देवसिंह, देशराज ओर रामकरन बताउत हे कि हम ई साल खेती में केसे जुताई-बुवाई हो पेहे। हम हर तहसील दिवस में दरखास देत हे। हमाई कोनऊ सुनवई नई होत हे।

एस.डी.एम. मोहम्मद रिजवान ने कहो की कोनऊ के खाता तो कोनऊ के नाम गलत हे। जीसे खाता में रूपइया नई पोहोंच पाओ हे। एसो कोनऊ किसानन न हो हे, जीखे ओलावृष्टि को मुआवजा न मिलो हो।