जिला महोबा, ब्लाक जैतपुर, गांव सिरमौन मोहल्ला हरजनबस्ती। एते लगभग तीन सौ मीटर दूरी मे नाली नई बनी हे। जीसे पूरे रास्ता मे आदमियन के घरन को पानी भरे रहत हे। आदमी गिलाव से हेल के निकरे खा मजबूर हे।
सुरेन्द्र परसरानी ओर जगरानी बताउत हे की ई मोहल्ला मे पांच साल से बोहतई ज्यादा परेशानी हे। एते नाली खरण्जा न होंय के करन आदमी पानी निकारे खा बीच से नाली खोदे हे। जीसे निकरे मे भी परेशानी परत हे। हमाये छोट्-छोटे बच्चा खेल भी नई पाउत हे। आदमी तो नांक कूद के जेसे तेसे निकर जात हे, बच्चा ओर बूढ़े आदमी नई निकर पाउत हे। एई रास्ता से हमे हाट बाजार ओर टट्टी होय जाने परत हे। अगर एते नाली खड़ण्जा बन जाये नींक हो जाये। हमने पूर्व प्रधान के केऊ दइयां कहो हतो ऊ नई सुनो ओर नये प्रधान से भी कहत हे पे हमाई गरीबन की कोनऊ सुनवाई नईं होत हे।
प्रधान रामश्री को आदमी भगवानदास कहत हे की जिला पंचायत से ओते सी.सी. रोड पास हो गओ हे। जल्दी ही ओते काम लगवा दओ जेहे।