नई धरी जात डी.पी.

आवेदन देखावत लोग

जिला महोबा, ब्लाक जैतपुर, गांव थुरट। ई गांव की तीन महिना पेहले डी.पी. फुंक गई हती। तभे से अंधियारे में डूबो हे। ईखी दरखास आदमियन ने 19 मई खा खा कुलपहाड़ तहसील में दई हे।
गोविन्द दास, गोपाल, घनष्याम ई सबन ने बताओ कि गांव की डी.पी. तीन महिना पेहले फुंक गई हती। जोन चुनाव के समय तुरतई आ गई। गांव में डी.पी. धरी हे, पे जैतपुर पावर हाउस उपकेन्द्र करमचारी ऊ डी.पी. खा खम्भा में नई धरत हे। पेहले कहत हते कि चुनाव के बाद धर जेहे। तहन महीना बीते के बाद भी अंधियारे मे रहे खा मजबूर हे। चन्द्रभान ओर मुकेष कुमार ने बताओ की ओते कि ऊ डी.पी. से हम दस आदमी कनेक्षन लयें हे, फिर भी अंधेरे में रहे खा मजबूर हे। तीन महीना से हमारे घर में बिजली नई पोहोचत हे। एई से कुलपहाड़ तहसील दिवस में 19 मई खा डी.एम. वीरेश्वर सिह खा ज्ञापन दओ हे। जैतपुर बिजली विभाग के जे.ई शैलेन्द्र कुमार ने बताओ कि जोन मोहल्ला में कनेक्सन नईयां ओते के लाने डी.पी. भेजी हती। गांव में बिजली जात हे। हर आदमी के एते डी.पी नई धराई जा सकत हे