धन के साथे जानो गेल

घर में बिखरल सामान

जिला सीतामढ़ी, प्रखण्ड सोनबरसा, गांव इंदरवा, वार्ड नम्बर तेरह में 02 सितम्बर 2013 के छौ घर में डकैती भेलई। जईमें लगभग सात लाख के संपत्ती लुट के ले गेलई। एई घटना में हदक से एक महिला के मौत भी हो गेलई।
रविवार के बारह बजे रात के लगभग पैतीस डकैत मिल के घटना के अंजाम देलथिन। पहिले रामवरण महतो के घर लुटे के बाद शिक्षक रामेश्वर महतो ,छतीस कुमार, दिनेश महतो, किशोरी महतो के घर में डाका परलई।  अशोक, संतोष कहलथिन कि हमसब जब बचावे के कोशिस कईली त बम फेके लागल गाली देवे। हम सब जान बचा के भगली। सब के घर से गहना रुपईया सब ले गेल। एही कारण नाममचीन के पत्नी पवन देवी छत पर भागे लागल अउर पिछल के गीर गेल जइसे उनकर दिमाग फट गेलई। उनका ईलाज के लेले ले जाय के समय ही उनकर मौत हो गेलई।
थाना प्रभारी विनय भुषण राय अउर एसएसबी कांस्टेबल वीरेन्द्र मणी कहलथिन की हम खोजी कुत्ता के माध्यम से अपराधी के पता लगा रहल छी।