दो पक्षन में भई मारपीट

तहसील में परिवार के साथे शंकर

जिला महोबा, ब्लाक कबरई, गांव श्रीनगर, दाऊपुरा मोहल्ला। एते के शंकर की रामाधीन, मन्नू ओर हरिओम से 4 नवम्बर 2014 खा रात 8 बजे लड़ाई भई हे। जीखी सूचना शंकर ने श्रीनगर थाना में दई हे, पे पुलिस ने रिपोर्ट नई लिखी आय।
शंकर की ओरत गुम्मन ने बताओ कि मोओ आदमी शंकर आपन कछवारा सींचे खे लाने पानी को पाइप बिछाये हतो। रामाधीन मोटर साइकिल लेके हर दइयां निकरत हतो। जीसे पाइप एते-ओते खिसके के कारन फट भी जात हतो। मेंने मना करो तो रामाधीन मोये गाली-गलौज देन लगो। ओत्तई में शंकर आ गओ तो ऊखे साथे मारपीट करी हे। रामाधीन ने शंकर के सिर में फावड़ा मार दओ हे।
शंकर बताउत हे कि में रिपोर्ट लिखाउन थाना जात हतो। तभई रास्ता में मन्नू ओर हरिओम ने मोये पकर के मारो हे। में कोनऊ तान से थाना पांेहोचे के बाद भी मोई रिपोर्ट नई लिखी गई हे।
श्रीनगर थाना के एस.ओ. नयन सिंह ने बताओ कि धारा 323 (मारपीट), 504 (गाली-गलौज), 427 (नुकसान करना) के तहत तीनऊ (रामाधीन, मन्नू ओर हरिओम) के खिलाफ मुकदमा लिखो गओ हे। अभे ऊ फरार हें। इ्र्र केस छानबीन एस.आई. राजकुमार करत हें।