कालोनी में नई आउत पानी
महोबा शहर, मोहल्ला बीजानगर रोड एस.पी. आवास के पछाऊं बनी कांशीराम कलोनी एते मायावाती की सरकार में गरीबन की सुविधा के लाने कालोनी बनवाई हती। जीमें पानी के लाने टोटी लगी हे।
गें
दाबाई कहत हे की एते 2011 मे टंकी ओर कालोनी बनी हती। मे पांव से विकलांग हों, एक लोटा से पानी ऊपर जात हो। हमाये कमरन में पानी के लाने टोटी लगी हे। पे कभऊं पानी नईं आउत हे। गीता, सुनीता ओर रतना कहत हे की हम ऊपर के कमरन मे रहत हे। हमें पानी हैण्डपम्प से भर के ले जाने पारत हे। ईखे लाने केऊ दइयां नगर पलिका से लेके तहसील तक में दरखास दई हे। पे हमाई कहूं सुनवाई नईं होत हे। कालोनी में चार-पांच हैण्डपम्प लगें हो हे ऊमें भी पानी नई निकरत हे। हम लोग नम्बर लगा के पानी भरत हे। दिन भर हैण्डपम्प मे भीड़ मची रहत हे। हम भरोसा लेके तहसील जात हें पे हमाई दइखास कूड़ा में फेक दई जात हे।
महोबा जल संस्थान को अधिषासी अभियन्ता कहत हे की कालेनी हमाये एते हैडोवर नईभई हे। जल निगम मे हो हो हम पता करके ओते पानी भेजवाओ जेहे।
