दु साल पर भेल आवेदन वापस

कन्या विवाह के आवेदन

जिला सीतामढ़ी, प्रखण्ड पंचायत, बथनाहा पूर्वी, गांव मजगामा, वार्ड नम्बर सात। इहां के उषा देवी के शादी 18 अप्रैल 2012 के भेल हई शादी के दु महीना बाद मुखिया के यहां निबंधन भेगेलई लेकिन दु साल पर उनकर आवेदन मुखिया के यहां से वापस कर देल गेलई।
उहां के उषा के पिता प्रमेशर ठाकुर कहलथिन कि हम सब कागज पतर आवेदन के साथ सब काम करा के मुखिया के यहां देली। तब कुछ दिन के बाद मुखिया हमरा दुकान पर साईकिल बनबयलक। कुछ नया समान साईकिल में लगा के बना देली अउर जब हम साईकिल के बनाई रूपईया लेली त हमर काम न क देलक अउर दु साल पर आवेदन वापस कर देलक अब बताउ कि हम अपन मेहनत के मजदूरी न लेबई। लेकिन जे नया समान लागल हईउ रूपईया त उनका लगबे करतई। वार्ड सदस्य दिनेश राय कहलथिन कि हम त दुनु पक्ष से आवेदन पर साईन कराके मुखिया के इहां जमा करवा देले रहीयई। अब मुखिया जनथिन कि उनकर काम कयला न करा देई छथिन।
मुखिया रंजन झा कहलथिन कि एईसन कोई बात न हई। उ लेट फाईन जमा न कलथिन ह त हम पता घर से थोरही न भर देवई कि उनका ही फाईन देवे के होतई तहिला उनका आवेदन वापस हो गेलई।
प्रखण्ड विकास पदाधिकारी रजत किशोर सिंह कहलथिन कि कोन बात हई। जब उ आवेदन लेक हमरा पास अईथिन तब उनकर काम हो जतई।