दुसरो के खिलाफ झूठी रिपोर्ट

जिला महोबा, ब्लाक जैतपुर, कस्बा जैतपुर, खदिया मोहल्ला। एते के कल्लू ने अपनी ओरत खा 15 अगस्त 2013 खा सापट ओर कुदारी से मारो हे। जीसे ऊखी मोत हो गई हे। 16 अगस्त 2013 खा कुलपहाड़ कोतवाली में कस्बे के ही अमरसिंह, सरमनिया, सुरेश ओर शिवकुमार के नामदज रिपोर्ट करी हे।
कल्लू की नातिन रूकसाना ने बताओ कि मोई मताई अपने मायके चली गई हती। हमाये बाबा कल्लू ने 15 अगस्त 2013 खा दाई को गला दबा के सापट ओर कुदारी से मारो हे। जभे हम सबेरे उठे तो बाबा कल्लू चिल्लाय लगो ओर कहन लगो की मोई ओरत नस्सो खा दुश्मनन ने मार दओ। जभे आदमियन ने देखो तो दाई नस्सो मरी डरी हती। बाबा कल्लू सिंह सरमनिया ,सुरेश ओर शिवकुमार के खिलाफ 16 अगस्त 2013 खा कुलपहाड़ कोतवाली में रिपोर्ट लिखाई हे।
कुलपहाड़ कोतवाली के एस.ओ. नारायण त्रिपाठी ने बताओ कि कल्लू ने चारऊ के खिलाफ झूठी रिपोर्ट लिखाई हती। जांच के बाद ई आदमियन खा छोड़ दओ हे। कल्लू ने अपनी ओरत खा मारो हे। जांच में ऊखे जेब में 12 हजार रूपइया ओर कान की दो जोड़ी बाली मिली हें। कल्लू खा धारा 302 हत्या की ओर 14/15 (चार दलित लोगों के खिलाफ झूठी रिपोर्ट करना) के तहत जेल भेज दओ हे।