दुई साल के अन्दर उजरी सड़क

जिला अम्बेडकरनगर, ब्लाक कटेहरी। हिंआ अहिरौली से मिझौड़ा जाए वाली सड़क दुई साल पहिले बनीं रही उजरिगै। बीच बीच मा गड्ढ़ा बनिगै।
गांव कै सूर्यभान पाण्डेय, रंजीत यादव, राकेश अउर सुभाष सिंह कै कहब बाय कि अबहीं ई सड़क बने दुई साल भै यतना जल्दी उजरिगै। यहि रास्ता से अहिरौली भिउरा मेढ़वा अर्जुनपुर काजीपुर हुवत मिझौड़ा चौराहे पै गै बाय। सन् 2012-13 मा दुई सौ अट्ठावन लाख बयालिस हजार के लागत से पी डब्लू डी विभाग द्वारा बनीं रही। अब पूरी सड़क कै गिट्टी उजरिगै। चाहे साइकिल से जाए या पैदल आवै जाए मा काफी दिक्कत हुआथै। डर लाग रहाथै कहूं गिर न जाए। बहुत सम्भाल के चलावै का पराथै।
पी. डब्लू.डी कै विभाग कै अधिकारी ए.के. सिंह कै कहब बाय कि अब जानकारी मिली बाय जांच कराय जाये।