अस्पताल में समस्या बतबईत मरीज
सीतामढ़ी सदर अस्पताल उहां कालाजार वार्ड में तीन गो कालाजार मरीज दस पंद्रह दिन से भर्ती छथिन लेकिन उ लोग के पांच दिन से बिछावन के चादर न बदला रहल हई। जबकि सब दिन चादर बदले के हई।
बथनाहा प्रखण्ड, गांव भवानीपुर के मरीज रफद खातून के माई आसमा खातून, रून्नीसैदपुर प्रखण्ड के मरीज बाल कृष्ण कुमार अउर परसौनी प्रखण्ड के मरीज नंदनी कुमारी इ सब लोग कहलथिन कि दस पंद्रह दिन से हम सब अपना बच्चा के लेक भर्ती छी। समय से बच्चा सब के जांच, दवाई अउर खाना भी मिल रहल हई। अपना से पानी चढ़ावे वाला पाईप खरीदे परई छई। सरकार के रूटिंग में हई सब दिन कालाजार मरीज के चादर बदले के लेल लेकिन कहां बदलाई छई। आई पांच दिन से चादर न बदलाई छई।
प्रभारी शिशिर कुमार रधुवंशाी कहलथिन कि चेक करवा के चादर बदला जतई।