दिखावटी मा बनी बाय पानी कै टंकी

जिला अम्बेडकर नगर, ब्लाक कटेहरी, गांव नीनामपुर, अंकारीपुर, मदनगढ़। हिंआ कइयौ जगह पानी कै टंकी बनी बाय। 2009 मा सरकार कइयौ लाख रुपया खर्च कइके टंकी बनवाए के खड़ा कै देहे बाय। आज तक पानी कै सप्लाई नाय भै बाय।
गांव कै सिम्पा, अनीता, करिया यादव, अमरावती राजभर बताइन कि 2009 मा पूर्व प्रधान बब्बन सिंह बनवाये रहिन। खण्ड़जा के बीच से पाइप बिछा बाय। कहू विछा बाय तौ कहू पाइप बिछा नाय बाय। रीबोर भै बाय लकिन पानी कै सप्लाई नाय हुअत बाय।
निर्मला, संदीप बताइन कि यहि पानी कै कउनौ तकलीफ नाय बाय। घरे-घरे नल लाग बाय जेकरे नल नाय बाय तौ इण्डिया टू मार्का नल से पानी पीयाथै। यह नाते यह टंकी कै केहूं ध्यान नाय देतिन।
प्रधान देवमणी बताइन कि हमका यकर जानकारी नाय बाय। पूर्व प्रधान बनवाये रहिन। स्वचलधारा से बना रहा केतना लागत लाग रहा यकै जानकारी नाय बाय।
जिला विकास अधिकारी डी.पी.एस. मोहन लाल पटेल बताइन कि स्वचलधारा कै योजना अब बन्द होईगै बाय।