ट्रांसफाॅर्मर चोरी
जिला शिवहर, प्रखण्ड तरियानी, पंचायत बेलहिया, गांव सरवरपुर टोला महारानी स्थान से पूर्व। इहां दस महिना पहिले ट्रांसफाॅर्मर चोरी हो गेलई। जेई कारण बिजली न आ रहल हई।
इहां के लोग कौशल्या देवी, पूनकला देवी, गीता देवी, पप्पू कुमार कहलथिन कि इ ट्रांसफाॅर्मर लगलई तहिया से तनके दिन त बड़लई। ओकरा बाद चोराईये लेलकई। हमरा सब के सादा मोबाईल के चार्ज करावे में दस रूपईया लगई। तईयो एक किलोमिटर दूर सुमहुति बाजार से चार्ज कराके लबई छी। तब के हाल खबर सुनाईले। नहीयो मोबाईल चार्ज करईती लेकिन हमर सब के पति बेटा त बाहरे रहईय त केना न कराउ। खाना बनावे में बच्चा के पढ़ाई में भी रोशनी न रहे से दिक्कत होईय। ट्रांसफाॅर्मर चोरी हो गेलई ओई के लेल प्रखण्ड में बिजली विभाग में भी आवेदन गेल हई।
मुखिया उपेन्द्र साह कहलथिन कि ट्रांसफाॅर्मर चोरी हो गेलई त हम कथी कर सकई छी।