दहेज खातिर करिन हत्या

जिला चित्रकूट, ब्लाक मऊ, गांव बरियारी कला। हिंया के जगदीश प्रसाद का आरोप हवै कि लड़की गुंजन का मनसवा ओमप्रकाश अउर ससुर शिवशंकर 21 जनवरी का आगी लगा के मार डारिन। यहिके रपट मऊ थाना मा 25 जनवरी का लिखाइगे तबहूं कउनौ कारवाही नहीं भे हवै।
जगदीश प्रसाद कहत हवै कि अपने लड़की गुंजन के शादी मंडौर गांव मा रहैं वाले ओम प्रकाश के साथै मई 2014 मा कीने रहांै। ओम प्रकाश कहत रहैं कि अपने बाप से एक लाख रूपिया अउर मोटर साइकिल लइके अइहैं तबै अपने साथै रखिहौं। मोरे पांच लड़की हवंै। यहिसे मैं दमाद के मांग पूर नहीं कर पाये हौं। दमाद दहेज खातिर लड़की के ऊपर मिट्टी का तेल डार के दमाद ओमप्रकाश अउर ससुर शिवशंकर आगी लगा दिहिन हवै।
गुंजन का मनसवा ओमप्रकाश अउर ससुर शिवशंकर कहिन कि हम लोग वा दिन खेत मा रहे हन। गुंजन कमरा के कुंडी लगा के अपने से मिट्टी का तेल डार के आगी लगा लिहिस रहैं।
मऊ थाना के मुंशी कल्लू प्रसाद का कहब हवै-” ओमप्रकाश अउर शिवशंकर के खिलाफ मुकदमा संख्या 27/2015, धारा 498ए (दहेज उत्पीड़न) 304(दहेज खातिर हत्या) धारा लाग हवंै। जांच चलत हवै। जांच के बाद उनका जेल भेजा जई।”